Tarigagay ni Senator Win Gatchalian nga adadda pay a maparegta ti papel ti dagiti lokal a gobyerno iti sektor ti edukasyon kagiddan iti naipila a pannakaamyendar iti Local Government Code tapno adadda a mapangato ti kabaelan a pinansyal dagiti local government units (LGU).
Sigun kenni Gatchalian, rumbeng laeng a magundawayan ti nasao a reporma tapno saan laeng a maparegta ti pondo ti LGU nu diket mapasayaat pay ti kwalidad ti edukasyon a maipapaay kadagiti ubbing.
Iti sidung ti nasao a gakat wennno ti 21st Century School Boards Act (Senate Bill No. 53), panngep a mapalawa ti komposisyon ken papel dagiti Local School Board tapno agbalin nga nga epektibo ti pammalakad ti gobyerno iti edukasyon kadagiti lokal a komunidad iti pagilian.
Karaman ti kadagiti responsibilidad dagiti board ti panangbukel kadagiti polisiya a mangtutolk iti panangpasayaat ti kalidad ti edukasyon iti bukodda a lugar.
Karaman metlaeng iti nasao a singasing ti panangparegta iti panangaramat ti Special Education Fund (SEF).
Sigun kenni Senator Gatchalian, makatulong daytoy tapno masolusyonan ti kinakurang dagiti mannursuro ken suporta kadagiti pagadalan.
Iti pakabuklan, impetteng ti senador a napateg ti aktibo a partisipasyon ti local government unit para napaspas a response iti kasapulan ti komunidad nu maipapan ti edukasyon. //bombokaren.c.s
