Impakaammo ti Bureau of the Treasury (BTr) a ngimmato ti foreign debt ti administrasyon ni President Ferdinand Marcos, Jr. iti umuna a dua a bulan ita a tawen.
Maibasar iti datos ti nasao nga ahensiya, dumanonen iti pakabuklan nga P887 billion ti binulod ti gobyerno agingga iti bulan ti Pebrero; nangatngato nu idilig iti P552.7 billion iti isu metlang a bulan idi napalabas a tawen.
Iti sidung ti administrasyon ni President Ferdinand Marcos, Jr., naiprayoridad ti domestic borrowing a dumanon iti P684.3 billion, agarup doble nu idilig iti P293 billion idi napalabas a tawen.
Kabayatanna, bimmaba met ti panagutang manipud kadagiti dadduma a pagilian a dimmanon laeng iti P202.7 billion , nababbaba nu idilig idi napalabas a tawen.
Gapu iti domestic surge, dimmanon iti 77.1% ti pakabuklan a borrowings ti domestic debt mangipakita a mas pilpilien ti gobyerno nga agbulod iti lokal a merkado tapno masustinir ti kasapulan a pondo. //bombokaren.c.s
