Nangipaulog ti House Committee on Justice iti subpoena kontra kenni sigud a Senator Antonio Trillanes IV, tapno agserbi kas testigo iti sumaruno a panagdenggeg ti impeachment case kontra kenni Vice President Sara Duterte.
Daytoy ket kalpasan a nagtignay ni Mamamayang Liberal (ML) Party-list Rep. Leila de Lima para iti pannakaipaulog ti subpoena ad testificandum ken duces tecum kontra kenni Trillanes.
Gapu iti dayta, nakiddaw ti panagparang daytoy intun sumaruno a panagdengngeg a naituding intun Abril 22.
Nakiddaw metlaeng a mangisubmitir iti dokumento a mainaig iti ill-gotten wealth ken non-disclosure of assets iti Statement of Assets, Liabilities, and Net Worth (SALN) ni Vice President Sara Duterte.
“I respectfully move for the issuance of a subpoena ad testificandum and duces tecum to former Senator Antonio Trillanes IV, requiring him to appear at the next hearing on April 22, 2026, and produce documents relative to the alleged ill-gotten wealth and non-disclosure of assets in the SALNs of the Vice President,” – De Lima
Sigun kenni De Lima, napateg ti testimonya ni Trillanes, kalpasan a nadakamat iti maikatlo nga impeachment complaint kontra iti Bise Presidente.
Malaksid iti dayta, sigud metlaeng a nagtestigo daytoy kadagiti House Quad Committee hearings maipapan iti drug war.
Innaprobraman met ti panel ti motion ni De Lima.
