Naireport Iti kapulisan ti 58-anyos a babae , saan a naasawaan, awanan trabaho ken residente ti Lucnab, Bagui City kalpasan a maatap a nilokona ti maysa a 75-anyos a babae, naasawaan, retired teacher, ken resident ti Scout Barrio, Baguio City.
Maibasar iti report, napasamak ti insidente iti maikadua a kadsaaran ti kadakelan a mall iti siudad.
Sakbay ti nasao nga insidente, pababa iti escalator ti complainant kadua ti maysa kadagiti kasinsinna iti nasao a mall idi immasideg ti suspek kadakuada.
Nagpaam-ammo daytoy kas sigud nga estudyante ti complainant ken impeksana pay a sigud daytoy a klasmeyt ti kasinsin ti complainant.
Gapu iti dayta, nagtalek kenkuana dagiti dua.
Malaksid iti dayta, kinunana ti suspek a katkatay laeng ti asawa daytoy isu’t gapu a naasyan ti complainant ken ti kasinsinna.
Nangidonar ngarud dagiti dua iti P7,000/00 nu nupay kasta, apaman a naawat ti suspek ti kuwarta, dagos daytoy a pimmanaw rason tapno agreport dagiti dua iti customer relations office ti nasao a mall.
Patien dagiti dua a biktima a nagresulta ti financial loss ti complainant.
Itay nabiit, napakaamoan ti complainant babaen iti maysa a civilian guard ti nasao a mall a nakitada ti suspek iti uneg ti mall.
Nasulbar ti nasao a kaso kalpasan nga insubli ti suspek ti kuwarta ti complainant. //Bombo Noveh Organo
