Impakaammo ti lokal a gobyerno ti Barangay Ampucao a temporaryo a masuspindir ti hiking ken amin a related activities idiay Mount Ulap idiay Ampucao, Itogon, Benguet a nangrugi ita nga aldaw.
Daytoy ket gapu iti epekto ti forest fire a napasamak iti paset ti Mount Ulap itay kanikadua.
Sigun iti Barangay Ampucao, maipatungpal dagiti precautionary measure tapno masigurado ti kinatalged para kadagiti bisita ken residente, maikan ti gundaway dagiti otoridad a mangsigurado a natalged ti nasao a pasdek, ken maliklikan ti kanayunan a damage iti aglawlaw.
Kidkiddawen met ti barangay ti pannakaawat manipud iti publiko.
Maipaay ti update iti panaglukkat manen ti trail kalpasan a masigurado a natalgeden ti nasao a destinasyon para iti publiko. //bombokaren.c.s
