Pinalubosan ti International Criminal Court (ICC) ti 539 a maatap a biktima ti kampanya kontra ti droga ti administrasyon ni sigud a president Rodrigo Duterte a makipaset iti panagdengngeg seknan iti crimes against humanity kontra iti sigud a presidente.
Sigun iti nasao a korte, dagiti makipaset ket dagiti pamilya dagiti napapatay iti nasao a kampanya.
Dinutokan met ti nasao a korte da Joel Butuyan, Gilbert Andres, ken Paolina Massidda kas paset iti legal representative dagiti biktima.
Maipalagip a kinumpirmar ti Pre-Trial Chamber ti International Criminal Court ti tallo a bilang ti kaso a naipila kontra kenni sigud a president Duterte.
Manamnama a sumango ti sigud a presidente iti panangdengngeg kas mailinya iti Article 63 ti Rome Statute a mangibagbaga a kasapulan nga adda iti panagdengngeg ti akusado. //bombokaren.c.s
