Nainget nga inyunayunay ni Senate President Pro Tempore Panfilo “Ping” Lacson nga ebidensya laeng ti agbalin a basaran ti desisyon daytoy nu kasbilang maituloy iti senado ti impeachment trial kontra kenni Vice President Sara Duterte.
Sigun kenni Sen. Lacson, surutenna laeng dagiti rules of impeachment ken agbalin daytoy a patas isu’t gapunna nga adadalennan dagiti proseso ti pangdengngeg idiay korte.
Impetteng ni Lacson a kasapulan ti panangtalinaed a patas ken siguradien nga awan ti mapabpaboran.
Kabayatanna, nakipagsimpatya daytoy kenni Senate President Vicente “Tito” Sotto III a manamnama a sumango kas presiding officer nu sumang-at iti senado ti nasao a panangdengngeg.
Sigun kenni Sen.Lacson, nadagsen ti responsibilidad ni Sotto no sadino idauloan daytoy posible nga argumento iti nagbaetan ti kampo ti proseksyusyon ken depedna.
Maipalagip nga immunan nga inwaragawag ni Sotto nga agsagsagana daytoyen gapu iti anyaman a mabalin a mapasamak iti kaso ti bise presidente.
