Inwaragawag ti Department of Education (DepEd) a nasurok 2.4 million nga estudiante ti manamnama nga agbenepisyo iti subsidiya manipud iti gobierno.
Ti nasao a subsidiya ket para iti School Year 2026-2027.
Sigun iti DepEd, dumanon iti agarup 990,000 a junior high school students ti maipaayan iti Educational Service Contracting (ESC) program, bayat nga agarup 1.47 million a senior high school students ti naituding nga umawat iti tulong babaen ti Senior High School Voucher Program (SHS-VP).
Panggep ti nasao a programa a tulungan dagiti pamilia iti gastos ken tapno mabawasan ti kinaadu dagiti estudiante iti parapubliko a pagadalan.
Kabayatanna, naipaulog ti revised guidelines para iti E-GASTPE no sadino, prioridad dagiti estudiante manipud iti disadvantaged sectors, low-income households , Indigenous Peoples communities ken geographically isolated areas.
