Mangipaay ti pagilian a Pilipinas iti 40 a generator sets sadiay pagilian a Ukraine.
Tulong daytoy ti pagilian iti agtultuloy a pannakadadael ti imprastraktura gapu iti giera kontra iti Russia.
Paggep ti donasyon a makatulong iti suplay ti koriente kadagiti apektado iti panagatake.
Kabayatanna, impeksa ni Ukrainian Deputy Foreign Minister Olexandr Mischenko ti panagyamanna iti tulong nga ipaay ti pagilian.
Sigun kenkuana, maaramat dagiti generator para iti heating nangruna no matamaan iti shelling dagiti critical infrastructure dagitoy.
Kabayatanna, kinuna ni Ukrainian Ambassador to Manila Yuliia Fediv a maileplepas ti proseso ti panagipatulod, ken posible a maipatulod manipud Manila kadagiti sumarsaruno a lawas.
Sigun iti Department of Foreign Affairs, paset daytoy ti agtultuloy a pannakapapigsa ti relasyon ti Pilipinas ken Ukraine kalpasan ti maikadua a political consultations ti dua a pagilian.
