TUBA, BENGUET- Pimmusay ti maysa a babae, agtawen iti 48, storekeeper ken residente ti sitio Sahaya, Taloy Sur, Tuba, Benguet kalpasan a nadungpar ti lugan idi Mayo 01, 2026.
Maibasar iti inisyal nga imbestigasyon ti Tuba Municipal Station kapulisan, nadumpar ti lugan ti biktima no sadino, ti driver ket estudiante a foreign a national.
Napasamak ti insidente idiay Marcos Highway Sitio Sahaya, Taloy sur, Tuba Benguet.
Iti inisyal pay nga imbestigasyon dagiti otoridad, paturong ti driver ken dagiti kakaduana a foreign nationals idiay La Union idi napasamak ti insidente.
Sigun kadagiti otoridad, maatap a mechanical error partikular ti saan a panagkuri ti preno ti rason iti pannakadungpar ti biktima a magmagna iti igid ti kalsada.
Dagus a naitaray ti biktima iti ospital ngem naideklara a dead on arrival gapu iti dunor ken severe traumatic brain injury.
Iti agdama, manarimaan a malamlamayan iti pagtaenganda ti bangkay ti biktima ken agtultuloy ti imbestigasyon dagiti otoridad.//Bombo Noveh Organo
