Dinakamat ni Senador Ronald “Bato” Dela Rosa a ‘bain’ na iti publiko ti maysa kadagiti rason ti panagsublina iti senado ken panagsublina iti trabahiona kalpasan iti pananglemmengna iti manu a bulan.
Sigun iti senado, addu dagiti napapateg a panagdengngeg idiay senado a kasapulanda ti presensiya na pakairamanan ti panagsukat ti liderato ti senado ket ti masubsubaybayan a panangbalin ti senado nga impeachment court iti impeachment complaints kontra kenni Vice President Sara Duterte.
Malaksid iti dayta, dinakamat ti senador a naapektuan daytoy iti ibagbaga ti publiko nga agawawat daytoy iti sweldo uray no saan daytoy nga umun-uneg iti trabaho.
Sigun kenkuana, saanna nga ugali a mang-awat iti bayad nga awan ti katukadna a serbisyo isu’t gapunna a nagsubli daytoy idiay senado.
Maipalagip nga itay kanikadua, kinumpirmar ti International Criminal Court ti warrant of arrest ni Sen. Bato Dela Rosa nga addaan petsa a Nobyembre 6, 2025.
Innaklon met ni Sen. Dela Rosa a napabutngan daytoy apaman a naawatna ti nasao nga impormasyon seknan iti nasao a warrant.
Iti agdama, adda pay laeng ni Senator Bato Dela Rosa idiay senado ken adda iti protective custody ti senado kabayatan a maururay ti desisyon ti Korte Suprema seknan iti petisyon nga inpilan daytoy. //bombokaren.c.s
