Impaganetget iti Malacañang a ti Senate Sergeant-at-Arms a ni retired Police Major General Mao Aplasca ti immuna a nagpaputok iti “warning shot” iti napasamak nga insidente iti Senado idi kalman iti rabii.
Sigun kenni Palace Press Officer Undersecretary Claire Castro, mapapati a nagpabigbig dagiti agents iti National Bureau of Investigation (NBI) idi napasamak ti engkwentro, ngem mapapati a dagos a nagpaputok iti warning shot ni Aplasca.
Gapu iti daytoy, mapapati a napilitan metlaeng a nagpaputok iti warning shot ti maysa nga NBI agent, sigun iti Palasyo.
Immunan a naaddaan iti gulo ken lockdown iti Senado kalpasan a nangngegan dagiti putok iti paltog idi kalman ti rabii.
Agtultuloy met ti imbestigasion dagiti otoridad ti pakabuklan a napasamak tapno maamuan ti eksakto a nagbalin a gunay iti insidente ken nu ania ti pudno a nagbalin a rason iti panagpaputok iti uneg iti pasdek.
