Natalged a nakaawid iti pagiliana Pilipinas ti 34 nga overseas Filipino workers (OFWs) ken maysa a dependent manipud Qatar itay kanikadua.
Daytoy ket passet pay laeng ti repatriation efforts ti pagilian para kadagiti Pilipino nga apektado iti nakaro a tensyon idiay Middle East.
Simmabat met a dagos dagiti representatives manipud iti nagduduma nga ahensiya kas iti Department of Migrant Workers (DMW), Overseas Workers Welfare Administration (OWWA), ken medical personnel manipud iti Manila International Airport Authority (MIAA), kadua ti New NAIA Infrastructure Corporation tapno mangipaay ti kangrunaan nga assistance iti napasamak.
Sigun kadagiti otoridad, agtultuloy ti panangmonitor ti gobyerno seknan iti sitwasyon idiay Middle East kalpasan iti kumarkaro a tensyon ken gulo iti rehiyon, rason tapno dagos dagitoy nga agasksyon nu kasbilang adda dagiti Pilipino a mangkiddaw iti tulong tapno makaawid iti pagilian.
Immunan nga impakaammo ti Department of Migrant Wokers a nakaawat dagitoy iti addu a kiddaw para iti repatrition manipud kadagiti Pilipino. //bombokaren.c.s
