Nagpositibo iti gunpowder residue ti maysa a volunteer ti National Bureau of Investigation (NBI) a naarestar seknan iti napasamak a pinnaltog iti uneg ti senado, sigun iti Southern Police District (SDP) idi kalman.
Sugun kenni Southern Police District Public Information Office Chief Police Lt. Margaret Panaga, “positive sa presence ng gunpowder” ti nasao a suspek a nabigbig kas alyas “Mel Oragon”.
Naarestar ti suspek kalpasan iti insidente ken dagos a naipasidung daytoy iti inquest proceedings gapu kadagiti pananglabsing iti Republic Act 10591 wenno Comprehensive Firearms and Ammunition Regulation Act, alarm and scandal, direct assault, tresspass ti property, ken pananglabsing iti security protocols ti Senado.
Maipalagip a naaddaan laeng ti insidente idi Mayo 13 no sadino naipasidung ti senado iti lockdown.
Sigun iti inisyal nga imbestigasyon, maysa a saan pay a nabigbig a kalibre ti paltog ti inaramat ti suspek iti panangpapaputok iti manu a daras iti uneg ti senate building.
Kabayatanna, impeteng ti abogado ken suspek a maysa laeng daytoy a driver. //bombokaren.c.s
