--Ads--
Kinompirmar ni Assistant Ombudsman Mico Clavano nga inawat ti Senado ti pammilin a maipaayan iti preventive suspension ni acting Senate Sergeant-at-Arms Mao Aplasca.
Malaksid iti dayta, inawat metlaeng ti Senado ti subpoena manipud iti Ombudsman.
Daytoy ket para iti pannakaisubmitir ti closed-circuit television (CCTV) footage, mainaig iti pammaltog a napasamak iti Senado idi May 13, 2026.
Nakompirmar ti panang-awat ti Senado iti pammilin ken ti Subpoena, kalpasan ti panagsinnarak dagiti dua a pannakabagi manipud iti Office of the Ombudsman iti Senado itay agsapa, Mayo 18.
Maipalagip nga immuna a kinuna ni Ombudsman Jesus Crispin Remulla a nagkedked ti Senado a mang-awat iti subpoena manipud iti Ombudsman.
