Impaganetget ti Malacañang a saan a naatakar ti Senado kalpasan ti napasamak a pammaltog idi May 13, 2026.
Sigun kenni Palace Press Officer Undersecretary Claire Castro, saan nga “under attack” ti senado idi napasamak ti insidente.
Impettengna a ni Senate President Alan Peter Cayetano laeng ti nangdakamat nga “under attack” ti senado.
“Was it under attack? It was not. The Senate was not under attack, you can see that, from the news. Not only from the statement of the NBI and a PNP. It was only the statement made by senator Alan Cayetano.” – Palace Press Officer Undersecretary Claire Castro
Maipalagip nga immuna a kinuna ni SP Cayetano nga under attack ti senado gapu iti napasamak a pammaltog iti nagbaetan Office of the Sergeant-at-Arms ken National Bureau of Investigation (NBI).
Napasamak ti insidente kagiddan ti maatap a mannakaiserbi ti arrest warrant nga impaulog ti International Criminal Court kontra kenni Senator Ronald “Bato” dela Rosa.
