Agtalinaed idiay detention centen ti The Hague ni sigud a President Rodrigo Duterte bayat a maururay ti panagrugi ti panangdengngeg iti kaso na a crimes against humanity, sigun iti International Criminal Court (ICC).
Sigun iti desisyon ti International Criminal Court Trial Chambler III, saan nga umdas dagiti naisumitir nga argumento ti depensa seknan iti salun-at ni sigud a President Duterte tapno masukatan dagiti immunan a findings ti court-appointed a medical experts tayo.
Innayon pay ti nasao a korte nga adda amin ti posibilidada a tumakas daytoy wenno malapdan ti proseso gapu iti impluwensiya ken koneksyon.
Nupay kasta, pinatgan ti Trial Chamber III ti kiddaw ti kampo daytoy nga i-waive ti sigud a presidente ti karbenganna a dumar-ay iti umuna nga status conference seknan iti kaso a crimes against humanity a sangsangwenna iti nasao a korte.
Dinutokan metlaeng ti korte ti depensa nga isumitirda ti written request ti sigud a presidente kadua ti pirma daytoy inton Mayo 25 sakbay a mapasamak ti status conference inton Mayo 27.
Maipalagip a kinumpirmar ti ICC Trial Chamber I ti kaso a crimes against humanity kontra kenni sigud a President Duterte. //bombokaren.c.sapirao
