Nangrugin ita nga aldaw, Mayo 26 ti dua nga aldaw a rollout iti P20 per kilo rice program ti gobyerno para kadagiti kwalipikado a residente ti La Trinidad, Benguet.
Dagiti residente ti nasao a munisipyo, nagturong idiay La Trinidad Municipal Hall Parking Area idiay Km. 5 tapno makaala ti bagas iti nababbaba a presyo.
Nakalukat ti nasao a programa para kadagiti mannalon, senior citizens, persons with disability, solo parents, vegetable packers, comboy, utility workers, DepEd personnels ken dadduma pay a low-wage earners nga adda iti poverty bracket.
Kasapulan laeng a mangipakita dagiti benepisyaryo iti valid government ID sakbay a makagatang dagitoy.
Naituding a maituloy ti pannakailako dagiti nasao a bagas inton bigat, Mayo 27, mangrugi iti alas-nuebe ti agsapa. //bombokaren.c.sapirao
