Nagwalkout dagiti sumagmamano a miyembro ti Minority Bloc idiay Senado kalpasan iti mosyon ni Senador Rodante Marcoleta a mapalubosan ti maysa a senadot a makipaset iti sesyon ti senado babaen iti video conference.
Impetteng ni Senator Marcoleta a kasapulan a maikan ti konsiderasyon ti maysa a senador tapno makapasset latta daytoy kadagiti deliberasyon uray no awan daytoy iti plenaryo.
Karaman kadagiti posible nga agbenepisyaro ditoy ket ni Senator Ronald Bato Dela Rosa nu kasbilang maaprobaran daytoy.
Nupay kasta, binabalaw daytoy dagiti dadduma a miyembro ti oposisyon. Sigun kadakuada, mabalin a makompromiso ti integridad dagiti sesyon.
Iti tengnga ti diskusyon, naaddaan iti nabara a debate iti nagbaetan dagiti mayorya ken minority senators.
Gapu iti daytoy, nagdesisyon ti Minority Bloc nga agwalkout kas protesta iti nasao a mosyon. //bombokaren.c.sapirao
