Inlawlawag metlaeng ti itan a Senate Blue Ribbon Committee Chairman a ni Senator Erwin Tulfo a ti napasamak a reorganisasyon ken panangideklara ti senado iti qourum ket legal ken maitunos iti desisyon ti Korte Suprema gapu iti desisyon daytoy iti kapada a kaso ti Avelino v. Cuenco case
Sigun iti senador, saan a pananglabsing iti Konstitusyon ti inaramidda kalpasan a saan nga immuneg iti plenaryo ti sigud a majority bloc iti nagsasaruno a tallo nga aldaw a nangitunda iti saan a pannakaisayangkat dagiti sesyon.
“Legit, it is legal because it was based on a Supreme Court decision, the Avelino Vs. the Cojuenco case way back in 1949”, sigun iti nasao a senador.
Kagiddan dayta, nagyaman ni Senator Erwin Tulfo kalpasan iti panagparang ken pannakinayon kadakuada ni Senator Francis “Chiz” Escudero.
Sigun kenni Tulfo, nakatulong ni panagakar ni Senator Escudero kadakuada tapno mabukel ti korum ken maituloy ti sesyon ti senado ita nga aldaw.
Patien ni Senator Tulfo a ti panagakar ni Senator Escudero iti grupo da ket mangipasimudaag a saanna a kanunongan ti ilablaban ti sigud a grupo daytoy. //bombokaren.c.sapirao
