Pormal nga insubmitir ti Registry of the International Criminal Court (ICC) ti “blueprint” wenno pagalagadan ken rekomisdasyon iti umadani a panagdengngeg ti kaso ni sigud a President Rodrigo Roa Duterte.
Maibasar iti innem a panid ti public document a napetsaan iti June 05, 2026, naibinsabinsa dagiti nainget a pagalagadan para iti sensitibo a testimonia, public transcripts ken digital evidence iti sangwanan ti Trial Chamber III.
Nakalanad iti nasao a dokumento a maadaptar ti nainget a timeline para iti public broadcast; maimbetitaran ti Chamber a mangsukimat iti protocols para iti high-profile international cases.
Malaksid iti dayta, isaksakad ti Registry ti naan-anay a digitalization ti proceedings babaen ti Judicial Workflow Platform (JWP).
Nairekomendar nga aramaten ti Chamber, ti prosecution, ken ti defense team ni Duterte dagiti specialized witness-entity ken electronic evidentiary-materials (E-binders) modules.
Pangep daytoy a masalakniban dagiti sensitibo wenno impormasion nga aksidente a madakamat iti live testimonies, naanayas a dokumentasion, pannakairuar dagiti trial records iti publiko ken dadduma pay.
Maipalagip nga opisial a kinompirmar ti ICC Pre-Trial Chamber I a naituding intun November 30, 2026 ti panagrugi ti panagdengngeg ni sigud a President Duterte iti kasona a Crimes againts humanity.
