Idagdagadag ni sigud a Sen. Antonio Trillanes IV ti gobierno ti pagilian a mangidiaya iti P2O million a gungguna para iti pannakaarestar ni Sen. Ronald “Bato” dela Rosa.
Sigun kenni Trillanes, ikonsidera koma ti Department of the Interior and Local Government (DILG) ti pannakaipaay ti gunggona tapno maawis ti publiko a makitinnulong iti panangbirok ni Sen. dela Rosa.
Inlawlawagna a napartak ti pannakaarestar ti senador no adda ti gungguna a maidiaya.
Ti gatad nga insingasing ni Trillanes ket kapada ti gunggona ti gobierno a naidiaya para iti pannakaarestar ti gambling operator a ni Charlie “Atong” Ang.
Kabayatanna, agtultuloy ti panangisayangkat ti National Bureau of Investigation ken ti Philippine National Police iti nationwide manhunt kontra iti senador.
Nairugi ti operasyon kalpasan nga inlaksid ti Korte Suprema ti kiddaw ti senador a temporary restraining order kontra iti arrest warrant nga impaulog ti International Criminal Court (ICC).
