BAGUIO CITY- Agtultuloy a parikut ti kinakurang ti silid pagadalan iti siudad ti Baguio.
Nupay kasta, kinuna ni Mr. Whitney A. Dawayen, school principal ti Baguio City National High School a naing-sa dagitoy.
Gapu iti dayta, ar-aramidenda ti amin pamuspusan tapnu maakomodar dagiti estudiante ken petpettanda ti balikas da “no student is left behind”.
Iti agdama, pamuspusan dagitoy ti agpapada a pannakaiwaras dagiti estudiante a naibasar iti kapasidad ti silid-pagadalan.
Mainaig iti dayta, dumanon iti 53 ti kangatuan a bilang dagiti estudiante nga adda iti maysa a silid bayat a ti kababaan ket 25 ngem daytoy ket iti sidung iti special program.
Iti sabali a bangir, napakaamuan dagiti nagannak iti kaipapanan ti three-term calendar.
Kabayatanna, agyamyaman ni Dawayen iti suporta ti kapulisan babaen iti panagiwaras dagitoy iti personnels, partikular kadagiti entrance ken exit iti pagadalan.
Nagkiddaw met daytoy iti kanayun a police vissibility nangruna iti Burnham Park ken dadduma pay a lugar a pagaayat dagiti estudiante a pagtambayan.//Bombo Noveh Oragano
