Inbilin ti lokal a gobyerno ti Dipaculao idiay Aurora ita nga aldaw ti temporaryo a pannakaisara ti Hermanos Leisure and Farm Resort kalpasan ti pannakalmes dagiti dua nga Ateneo student-athletes Rene Baterbonia ken Divine Adili.
Sigun iti lokal a gobyerno ti Dipaculao, naduktalanda nga saan a nagcomply ti nasao a resort iti Sangguniang Bayan Ordinance No. 2025-12 wenno ti “ Ordinance Promoting Safety in Seashores and Other Bodies of Water, Including Tourist Destinations, within the Jurisdiction of the Municipality of Dipaculao, Aurora.”
“Ang pagpapatupad ng nabanggit na Temporary Closure Order ay bahagi ng patuloy na pagsisikap ng Pamahalaang Bayan na tiyakin ang kaligtasan ng publiko at ang mahigpit na pagpapatupad ng mga umiiral na batas at ordinansa sa mga establisyimentong may kaugnayan sa turismo at mga aktibidad sa mga anyong-tubig,” sigun iti statement dagitoy.
Kabayatanna, mannarimaan ti koordinasyonda kadagiti maseknan nga ahensya tapno masigurado ti full compliance dagiti resorts iti safety standards ken maliklikan a mapasamak ti pada nga insidente.
Kagiddan dayta, inyebkas metlaeng ti lokal a gobyerno ti Dipaculao ti pannakipagriknada kadagiti pappamilya ken ayayaten ti biyag dagiti pimmusay nga atleta.
Maipalagip nga idi kalman, nagturong ti makinkukua ken staffs ti nasao a resort idiay National Bureau of Investigation tapno mangipaay iti impormasyon seknan iti napasamak nga insidente. //bombokaren.c.sapirao
