Impeksa ni JINSP Juluis Garlejo, Acting Jail Warden ti La Trinidad Municipal Jail a 75% congested ti nasao a pagbaludamn.
Sigun kenkuana, dose laeng ti ideal capacity ti nasao a pagbaludan ngem iti agdama, sangapulo ket walo a Persons Deprived of Liberty (PDLs) ti agtataeng idiay. Innayon pay ti opisyal a tallo laeng a selda ti naaramid a pakkaibaludan dagiti PDLs.
Inlawlawagna a sipud nagtugaw daytoy kas Acting Jail Warden idi Mayo, bimmaba ti bilang dagiti balud no sadino manipud 27, nagbalinen daytoy a sangapulo ket walo Kabayatanna, nanmnamaen dagitoy ti panagakarda iti baro a building idiay Barangay Shilan,La Trinidad iti kabiitan a panawen.
Sigun kenni Garlejo, nalpasen ti konstruksyon ngem saanda pay laeng a mabalin nga umakar gapu iti danum ken pakaseknan iti road right of way.
Nupay kasta, araramidenda metten amin a kabaelanda tapno maisimpa dagiti kasapulan a maisimpa tapno maka-alis dagitoyen.
Maipalagip nga agarup 13.2- Milyon ti nailatang a pondo nga inaprobaran ti Bureau of Jail Management and Penology (BJMP) para iti pannakaipasdek ti baro a building ti La Trinidad Jail kas panangsolbar iti nangato a congestion rate ti nasao a jail facility.
Ti nasao a baro a building ket masarakan iti paset ti by-pass road manipud iti Barangay Shilan agingga idiay Barangay Beckel, maysa a kilometro manipud iti Main Halsema Highway.
Agarup 3000 sqm ti kalawa ti lote a nakaipasdekan ti baro a building a kukua ti munisipyo ti La Trinidad. Ti nasao a building ket maysa a type B Jail Facility no sadinno addaan daytoy ti dua a kadsaaran nga agserbi metlaeng kas multipurpose area, open recreation area, personnel barracks, ken dadduma pay.
Iti sabali a bangir, imbinglay ni Garlejo nga iti agdama, kadawyan a kaso dagiti PDLs dagitoy ket sumangsango iti kaso nga estafa, theft, ken dadduma pay. //Bombo Noveh Organo
