Na-hacked metlaeng ti official website ti House of Representatives, sumagmamano nga aldaw kalpasan a naipadamag a na-hacked ti website ti Senado.
Sigun kadagiti hackers, responsableda iti napasamak a hacking incident.
Impetteng dagitoy nga inaramidda ti nasao a krimen kas panangprotesta kontra iti korapsion iti gobierno.
Iti mensahe nga imbati dagitoy iti website, kinunada a ti korapsion ket saan laeng a panagtakaw ti kuarta no diket panagtakaw iti oportunidad, hustisya ken panagtalek.
Maipalagip a na-hacked metlaeng ti website ti Senado idi Huebes, June 11, 2026.
Sigun kenni Senate Pro Tempore Sherwin Gatchalian, ti cyberattack ket paset ti agsasaruno nga “escalating threats” maibusor iti institusion.
Impagagetgetna a saan a rumbeng a maibilang nga isolated incident ti pagatake iti website dagitoy.
Inyunay-unayna a ti panagatake iti sistema ken ti nagduduma a pangta ken maysa a krimen no sadino, amin a responsable ken rumbeng nga agsungbat iti linteg.
