--Ads--
Nabigbigen ti National Bureau of Investigation (NBI) dagiti amin a nang-hack iti sumagmamano a government websites ti pagilian a Pilipinas.
Sigun kenni NBI Director Melvin Matibag, kamatenda amin dagiti responsable tapno sungbatanda ti ilegal nga inaramid dagitoy.
Maipalagip a na-hack ti official website ti Senado ken Kamara gapu iti grupo dagiti hackers a pakairamanan ti Nullsec Philippines.
Sigun kadagiti hackers, inaramidda daytoy gapu iti korapsion a mapaspasamak iti gobierno.
Kabayatanna, kinumpirmar ni Cybercrime Investigation and Coordinating Center (CICC) Executive Director Renato Paraiso nga awan ti naala a sensitibo nga impormasion kabayan ti hacking.
