Nabutosan da Senador Francis “Kiko” Pangilinan ken Senador Panfilo “Ping” Lacson kas baro a vice chairperson iti Senate Blue Ribbon Committee itay agsapa, iti tengnga iti special session iti Senado.
Ni Senador Erwin Tulfo ket nagtalinaed a chairperson iti komite, a mangisaysayangkat iti imbestigasion kadagiti naanomalyaan nga infrastructure project iti gobierno.
Iti rekomendasion ni Senate Majority Leader Juan Miguel Zubiri, inaprobaran ni Senate President Sherwin Gatchalian ti baro a komposision iti komite, nu sadinno sangapulo ket tallo a kameng iti majority bloc ket nadutukan kas regular wenno ex officio members, malaksid kenni Senador Francis “Chiz” Escudero.
Sigun kenni Tulfo, personal a kiniddaw ni Escudero a saan a mairaman iti Blue Ribbon Committee gapu iti “delicadeza.”
Kabayatanna, kinuna ni Lacson a kusa ken nadagsen ti riknana idi inibbatanna ti panagbalin a chairman iti komite, gapu iti bannog kadagiti kontrobersia a nakakabit iti pagrebbenganna ken ti pammatina nga adda dagiti ad-adda pay a nasayaat a mangiggem ken mangidaulo iti komite.
