Nangisayangkat iti pre-impeachment trial conference ti kampo ni Vice President Sara Duterte ken ti House prosecution panel kas panagsagana iti umadanin nga impeachment trial iti Senado.
Naisayangkat a nakaserra iti publiko ken media ti panagtaripnong, a sigun iti defense spokesperson a ni Atty. Michael Poa ket paset iti normal a proseso tapno pagkaykaysaen dagiti kinapudno ken pasimplein dagiti isyu a talantanen iti panagtingiting.
Nakipaset iti conference ti House prosecution team nga indauloan ni Batangas Representative Gerville Luistro ken dagiti private prosecutors, bayat nga indauloan daytoy dagiti opisial iti Senado.
Idi Mayo, inaprobaran iti Kamara ti impeachment complaint kontra kenni Duterte seknan kadagiti alegasion iti korapsyon ken ti mapapati a pangta kontra kenni President Ferdinand Marcos Jr., ti asawana ken ti kasinsinna a ni sigud a House Speaker Martin Romualdez.
Kasapulan ti 16 a botos iti 24 a senador tapno maukom ti bise presidente iti impeachment trial.
