Impaganetget ni Senador Rodante Marcoleta a saan a lumaban no maarestar man daytoy iti masakbayan.
Sigun kenni Senator Marcoleta, sitatalna nga isubmitirna ti bukodna a bagi kadagiti otoridad no bilang adda arrest warrant kontra kenkuana.
Maipalagip a ti laeng Office of the Ombudsman ti mangim-imbestigar kadagiti reklamo kontra kenni Marcoleta no sadino, saan paylaeng a naipila ti aktual a kaso kontra iti senador.
Nupay kasta, impetteng ni Marcoleta a posible a maipaulog ti arrest warrant kontra kenkuana ken arestuen dagiti otoridad.
Iti kanito a mapasamak daytoy, kinunana a saan nga agkedked agsipudta pagrebbengan ti arresting officer nga ipatungpal ti warrant.
Sumangsango ni Marcoleta iti plunder complaint ken indirect bribery iti Office of the Ombudsman.
Daytoy ket gapu iti maatap a saanna a panangi-disclose iti P75 million campaign donations a naawatna manipud kenni Mike Defensor ken dua pay a negosiante bayat ti panagkampaniana kas senador idi 2025.
Iti agdama, saan pay a naipila ti nasao a reklamo iti aniaman a korte iti agdama.
