--Ads--
Inwaragawag ni Ombudsman Jesus Crispin Remulla nga aramidenda ti amin a kabaelanda tapno mabawi ti pagilian dagiti maatap nga ill-gotten wealth wenno takaw a kinabaknang a naidulin sadiay Estadus Unidos.
Daytoy ti kinuna ni Remulla kabayatan ti town hall meeting sadiay Washington, D.C.
Sigun kenni Remulla, rumbeng a saan a natalged ti Amerika a pangidulinan iti ilegal a kinabaknang manipud iti Pilipinas.
Nupay kasta, awan ti dinakamatna a partikular a kaso.
Kabayatanna, inbinglay ni Remulla dagiti reporma nga itantandudo ti Ombudsman, agraman ti panangpapigsa iti panagtitinnulong kadagiti dadduma a pagilian ken panangpalawa iti pannakagun-od kadagiti serbisio publiko.
