--Ads--
Posible nga agbalin a kaatidugan nga impeachment trial iti pagilian a Pilipinas ti trial kontra kenni Vice President Sara Duterte sigun kenni Secretary Renato Bantug.
Sigun iti patta-patta ti impeachment clerk of court, posible a dumanon iti pito a bulan ti nasao a trial gapu ta tallo nga aldaw iti maysa a lawas ti target dagitoy nga iskedyul iti panagdengngeg seknan iti nasao a kaso.
Nu idilig iti maudi nga impeachment trial kenni sigud a Chief Justice Renato Corona idi 2012, dinmanon laeng iti 44 nga aldaw ti panagdengngeg daytoy sakbay a naikeddeng ti pannakikatna iti puesto.
Innayon ni Atty. Bantug , pagsagsaganaan itan ti impeachment court ti atidoga trial. //bombokaren.c.sapirao
