Naiyuswat ti “Dekada ng Sama-samang Pag-alala, Pagkakaisa para sa Hustisya” iti Bantayog ng mga Bayani idiay Quezon City babaen kadagiti pamilia kadagiti biktima iti extrajudicial killings (EJK), karaman dagiti human rights group, simbaan, abogado, journalists, ken dadduma pay a sektor, iti maika-10 nga anibersario iti panangiyuswat iti Project Double Barrel.
Nangisayangkat dagiti participants iti candle-lighting ceremony ken nagkiddaw iti accountability para iti rinibribu a pimmusay iti war on drugs. Impaganetget dagiti coalition a ti tunggal Pilipino ket adda karbenganna iti “due process” ken ginuyugoy ti publiko a lagipen dagiti biktima ken itag-ay ti hustisia.
Kabayatanna, kinondenar iti National Council of Churches in the Philippines (NCCP) ti kultura iti “impunity” iti sidong iti administrasion ni sigud a President Rodrigo Roa Duterte ken kinunana nga agtultuloy paylaeng dagiti drug-related killings iti sidong iti agdama nga administrasion.
Dagiti aktibidad iti nasao a coalition ket agbayag agingga Disiembre 2026, karaman dagiti exhibit, film screening, ken dadduma pay.
