Kinumentaran ni Private Prosecutor Atty. Amando Liguran ti pamay-an ni Defense Counsel Atty. Carlo Narvasa a mang-cross examine iti witness kontra kenni Vice President Sara Duterte ita nga aldaw.
Inyebkas ni Atty. Ligutan ti panangkontrana kalpasan a dinamag ni Atty. Narvasa ti testigo a ni NBI Cybercrime Division Senior Agent John Mark Calilung seknan iti ammona iti maysa nga investigation affidavit idi Pebrero 10,2025 nga adda pakainaiganna iti grave threat kontra kenni Vice President Sara Duterte.
Impetteng ni Ligutan a saan a makasungbat ti nasao a testigo nu saan daytoy nga iparang kenkuana ti pisikal a kopya ti affidavit a dakdakamaten daytoy.
Iti tengnga ti agsasaruno a panangharang ni Atty. Ligutan iti panangdamag ni Atty. Narvasa iti testigo, napansin da Senate President at Presiding Officer Francis “Chiz” Escudero a kasla ‘frustrated’ daytoyen.
Nupay kasta, sinmungbat ni Ligutan nga atidog ti pannakaawat daytoy tapno saanen a ngumato pay ti tensyon iti cross- examination. //bombokaren.c.sapirao
