Nagballaag ni Impeachment Trial Presiding Officer Francis “Chiz” Escudero a saan a mapalubosan ti anyaman a ‘ federations’ manipud iti depensa ken prosekusyon kasta metten kadagiti senator-judges.
Impetteng ni Escudero a panggep daytoy a maipaayan ti gundaway dagiti testigo nga ipresenta ti bukod da nga ebidensya, imbes a mangipaay dagiti counsel iti bukod da nga statement seknan iti linteg.
Inwaragawag daytoy ni Escudero kalpasan a nangipila ti mosyon ni Senator-Judge Pia Cayetano idi maikadua nga aldaw ti trial nga ikatenda iti rekord ti nagbalin a sungbat ni prosecution counsel Atty. Amando Ligutan iti damag ni Senator-Judge Risa Hontiveros, a naikompara kas maysa nga ‘closing statement’.
Maipalagip a dinamag ni Senator Hontiveros no kasano nga agbalin nga impeachable offense ti dinakamat ni Vice President iti video a nangala daytoy iti assasin a mangpapatay kenni President Ferdinand Marcos, Jr., First Lady, ken sigud nga speaker Martin Romualdez.
Nupay kasta, inlawlawag ni Hontiveros a saanna nga intensyon a mangisawang iti closing argument nu di ket kayatna laeng a lawlawagan no kasano nga ikategorya ti prosekusyon dagiti statement ni Vice President Sara Duterte. //bombokaren.c.sapirao
