Imbinglay ni Atty. Michael Poa, pannakangiwat ti depensa, nga awan ti madi a reaksyon ni Vice President iti nagbalin a taray ti panagdengngeg iti maikadua nga aldaw ti impeachment trial daytoy.
Sigun kenni Atty. Poa, nakasaritana ni VP Sara iti rabii ti Martes ken dinakamatna nga awan met ti nakita ken nangngegna nga anyaman a madi a reaksyon ni VP Sara iti napasamak a panagdengngeg.
Innayonna pay nga agyamyaman kitdi daytoy kadagiti miyembro ti defense team.
Impetteng ni Atty. Poa a kas maysa nga abogado, maawatan metlaeng ni VP Sara dagiti proseso ken mapaspasamak iti panagdengngeg.
Kabayatanna, nagleppas metten idi kalman ti maikatlo nga aldaw ti impeachment trial ti bise presidente no sadino natalantan ti Article IV iti Articles of Impeachment wenno ti alegasyon a panagpangta ni VP Sara iti biyag da President Ferdinand Marcos Jr., First Lady Liza Araneta-Marcos, ken sigud a House Speaker Martin Romualdez. //bombokaren.c.sapirao
