Pinatgan ti Sandiganbayan Second Division ti panangisanud wenno withdrawal ni Senador Jinggoy Estrada iti motion daytoy a panagkiddaw iti furlough wenno ti temporaryo a pannakawaya-wayana iti pagbaludan tapno dumar-ay iti impeachment tiral ni Vice President Sara Duterte.
Maibasar iti manifestation nga insubmitir ti kampo ni Sen. Estrad, kamali ti pannakaipasa ti mosyon no sadino, naipasa iti Second Division imbes nga iti Fifth Division ti Sandiganbayan.
Ti Fifth Division ti addaan iti hurisdisyon iti pagbaludan a nakaipisukan ti Senador agsipudta, daytoy ti makin-iggem iti non-bailable a plunder case mainaig iti naanomalyaan a flood control projects.
Iti baet a nagpiyansa ni Estrada iti ₱90,000 para iti sabali a kaso daytoy, agtaltalinaed paylaeng a nakabalud iti New Quezon City Jail sadiay Payatas gapu iti plunder case ti Fifth Division.
Iti agdama, sumangsango ni Estrada iti 90-day preventive suspension nga impataw ti Senado mangrugi inton Hunio 22.
Sigun iti liderato ti Senado, ti pannakasuspeder ni Estrada kas senador ket kayatna met a sawen a saan a makatugaw a senador-judge iti agtultuloy nga impeachment trial ni VP Sara Duterte bayat nga epektibo ti pammilin.
