Naituding nga iparang ti House prosecution panel ti sumaruno nga agtestigo mainaig iti imbestigasyon ti National Bureau of Investigation (NBI) iti maatap a panagpangta ni Vice President Sara Duterte iti biag ti presidente ken sumagmamano nga opisial ti gobierno.
Sigun kenni House prosecution spokesperson ken Lanao del Sur Rep. Zia Alonto Adiong, agtestigo ni Atty. Jeremy Lotoc, regional director ti NBI-Bangsamoro Autonomous Region in Muslim Mindanao ita a Lunes.
Innayon ni Adiong nga ituloy ni Atty. Lotoc ti immbuna nga ebidensiya ni NBI Senior Agent John Mark Calilung a nang-authenticate iti video recordings ken digital files mainaig iti statement ni VP Sara idi Nobiemre 23, 2024.
Iti nasao a video, dinakamat ti Bise Presidente a nangtangdan iti hitman a mangpapatay ka da President Ferdinand Marcos Jr., First Lady Liza Araneta-Marcos, ken sigud nga Speaker Martin Romualdez no daytoy ket mapapatay.
Innayon ni Adiong nga iruar ni Lotoc ti resulta ti imbestigasyon ti NBI iti maatap a pangta.
Nupay kasta, nagkedked daytoy a mangibutaktak kadagiti detalye gapu iti sub judice rule.
