Inaklon ti National Bureau of Investigation (NBI) nga awan ti nasarakanna a validated information tapno mabigbig ti kinasiasino ti hitman a maatap a kinontrata ni Vice President Sara Duterte a mangpapatay kada President Ferdinand “Bongbong” Marcos, Jr., First Lady Liza Araneta-Marcos, ken sigud a House Speaker Martin Romualdez.
Iti testimonya ni NBI Regional Director Atty. Jeremy Lotoc kabayatan ti impeachment trial, inaklon na a pinadasda a mangala iti impormasyon kadagiti tattao nga addaan iti personal knowledge iti online press conference.
Nupay kasta, awan ti naalada nga impormasion tapno mabigbig ti kinasiasino ti hitman.
Sigun kenni NBI Regional Director Lotoc, seryoso nga inimbestigaran ti NBI ti pangta ni VP Duterte.
Innayonna a patienda a saan nga agulbod ti Bise Presidente nangruna ket nakapungtot kabayatan ti panagdakamatna iti nasao a pangta.
