Agarup 700-800 nga indibidual ti nakipaset iti Cardiopulmonary Rescuciation Day a naangay idiay City Hall Ground itay agsapa.
Sigun kenni Dr. Dandeo Halog, dadaulo ti Baguio Emergency Medical Services, saanna a ninamnama ti kinaadu dagiti nakipaset iti nasao nga aktibidad no sadino impettengna nga adaddu dagiti participants ita nu idilig idi napalabas a tawen.
Sigun kenkuana, mangipakita daytoy iti tarigagay ti publiko a mangpadas ken mang-adal iti anyaman a programa seknan iti salun-at.
Inlawlawag metlaeng ni Halog a puntirya ti Department of Health a tunggal pagtaengan kuma ket adda ti maysa a makin-ammo nga ag-CPR.
Target metlaeng ti nasao nga ahensya a pagbalinen a CPR-ready ti siudad ti Baguio.
Sigun kenni Halog, rumbeng metlaeng a tuloy-tuloy ti panagtraining iti CPR tapno kanayun nga agbalin dagitoy nga updated. // Bombo Noveh Organo
