Nadiskobre dagiti otoridad ti agarup 38,400 a puon ti fully grown marijuana plants nga agatad iti PhP 7,680,000.00 idiay Barangay Butbut Proper, Tinglayan, Kalinga kabayatan iti dua nga aldaw a marijuana eradication operation dagitoy idi Hulyo 16 ken Hulyo 17.
Naimula dagiti marijuana plants iti agarup 3,200 square meters a kalawa a lote. Amin dagiti nadiskobre a marijuana plants ket dagos a pinarot ken pinuooran dagiti dagiti operatiba.
Nupay awan ti nadanonda a cultivator, agresibo ita dagiti otoridad tapno mabigbig dagiti landowners ken dagiti tao nga ada iti likod iti panagmula kadagiti marijuana.
Balligi ti nasao nga eradication babaen kadagiti nagduduma nga opisina pakairamanan ti PDEA, PNP Special Action Force (SAF): 111SAC & 11SAB, PNP Drug Enforcement Group (DEG): SOU-CAR, Kalinga Police Provincial Office (PPO): DEU, Tinglayan Municipal Police Station, RIU 14-PIT Kalinga, ken BJMP Kalinga District. //bombokaren.c.sapirao
