Nagmaymaysa ti City Environment and Parks Management Office (CEPMO), punong barangays a makinsakop iti Balili and Bued waterways, representatives manipud kadagiti nagduduma nga institusyon ken pagadalan idi napalabas a lawas tapno mapagsasaritaan dagiti posible nga adang a maipatungpal tapno maprotektaran dagiti waterways ti siudad.
Ti nasao a panagtataripnong ket indauloan ti CEPMO. Iti nasao a meeting, impetteng dagiti punong barangay manipud Tabora, Happy Homes, Guisad Central, Manuel Roxas, ken Private Road-Magsaysay a bayat a napateg ti regular clean-up drives tapno madalusan dagiti pagnaan ti danum ken saan dagitoy a mapullatan, kasapulan latta ti long-term solution tapno maaddressan dagiti nagduduma a pakaseknan iti waterways.
Impetteng dagiti barangay officials a napateg ti papel dagiti residente iti panagsalwad kadagiti karayan ken waig iti siudad.
Inreport metlaeng dagitoy a kadawyan a nakitada a pakaseknan kadagiti masakupanda ket ti direkta a panangibasura dagiti residente kadagiti kitchen ken agricultural waste; leaking septic tanks; agluplupyas a sewage, nadadael a sewer lines, ken panangibasurada kadagiti rugit dagiti tarakenda
Sigun metlaeng iti datos ti CEPMO, agarup 419 a Notices of Violation ti nai-isyu idi 2026 bayat a dumanonen iti 464 a Notices of Violation ti naipaulog manipud Enero agingga Hunyo iti agdama a tawen.
Tapno maaddressan dagitoy a pakaseknan, napagnunumuan ti CEPMO, babbarangay, adopter institution pakairamanan dagiti representatives manipud Pines City Colleges (PCC), Easter School, Department of Agriculture Employees Association (DAEA),NIIT, Azalea Homes, ken dadduma pay a partner organizations dagiti nagduduma nga addang kas iti panani-install kadagiti trash traps kadagiti nagduduma a waterways babaen iti tulong ti City Engineer’s Office (CEO), panangpapintas iti solid waste collection system, panangbukel kadagiti polisiya a mangsuporta iti sustainable waterway management and environmental protection, panangisayangkat iti educational exposure visits to the Baguio Sewage Treatment Plant, ken dadduma pay.
Guyguyugoyen met dagiti nasao a grupo ti publiko nga agbalin a waterways adopters tapno adadda a mapapigsa pay ti collaborative efforts iti panangsalwad iti water resources ti siudad. //bombokaren.c.sapirao
