Binabalaw ti Malacañang ita nga aldaw ti impablaak ti China Daily, maysa nga state media no sadino nailadawan dagiti Pilipino kas bakes.
Sigun kenni Palace Press Officer Claire Castro, supsuportaran ni President Ferdinand Marcos, Jr. ti panangbabalaw ti Department of Foreign Affairs (DFA) ken Department of National Defense (DND) iti nasao a bidyu.
“Opo, napanood niya po ito. Nakita po natin ang mga mensahe ng Department of Foreign Affairs at Department of National Defense at ito po ay sinusuportahan ng Pangulo,” sigun kenni Castro
Innayon na pay nga uray sino ket babalawenda ti panangiladawanda kadagiti Pilipino kas bakes.
Immunan nga inawagan ti Department of Foreign Affairs (DFA) ti nasao a video kas racist bayat nga inawagan met daytoy ti DND kas panangtagibasit iti dignidad dagiti Pilipino.
Maipalagip nga idi 2016, imbasura ti international arbitral tribunal ti nine dash claim ti China idi South China Sea, banag a saan a maaklon ti Beijing, China. //bombokaren.c.sapirao
