--Ads--
Nagbakwit ti agarup 12,000 a tattao manipud iti south-west ti pagilian a France gapu iti panagramaram ti uram iti kabakiran ti Gironde region.
Sigun kadagiti lokal nga opisial, agarup 3,400 nga ektaria a daga ti nauram iti aglawlaw ti Bay of Arcachon.
Agarup 700 a bombero ti naibaon nga agseseb iti nasao nga uram.
Kaaduan kadagiti napilitan a pimmanaw ket pakairamanan dagiti bisita iti local campsites.
Sigun kadagiti otoridad, dumanon iti 10,000 a bisita ti karaman kadagiti naibakwit manipud kadagiti campsites.
Awan a ti naipadamag a nadangran iti nasao nga insidente.
Kabayatanna, sumagmamano a lugar ken kalsada ti naiserra kadagiti nasao a lugar gapu iti nasao nga insidente
