Nakumpiska ti agarup 13.5 kilo ti local pork meat iti maysa a meat shop idiay Public Market, 1st Kayang Street, Baguio City itay nabiit.
Iti report ti kapulisan, nagturong ti Meat and Fishery Products Monitorig Task Force manipud City Veterinary and Agricultural Office idiay Public Market tapno aginspect kadagiti karne ken ikan.
Kabayatan iti inspeksyon, nakumpiska dagiti nasao a karne gapu iti improper handling. Dagiti nakumpiska a karne ket maidispose iti condemnation pit ti City Veterinary and Agricultural Office
Ti condemnation pit ket maysa a secure ken enclosed undergroung disposal vault para kadagiti makumkumpiska manipud public market.
Iti kaudian a report manipud iti kapulisan, naipaayanen ti Notice of Violation ti akintagikua iti meat shop a nakakumpiskaran dagiti nasao a karne. //via Bombo Noveh Organo
