Tinalantan ni Cabinet Secretary Benjamin “Benhur” Abalos, Jr. ken dagiti delegasyon manipud Poland ti panangpalawa iti kooperasyon ti dua a pagilian iti sektor ti agrikultura, trade, ken dadduma pay.
Indauloan ni Poland Minister of Agriculture and Rural Development Stefan Krajewski ti delegasyon ti Poland a nakitalantan iti Department of Agriculture, Department of Migrant Workers, at Technical Education and Skills Development Authority (TESDA) maipapan kadagiti baro nga oportunidad para iti bilateral connection.
Karaman kadagiti napagsaritaand dagitoy ti panangpapigsa ti trade iti agrikultura nangnagruna iti baboy, manok, mansanas,butil, ken dadduma pay a taraon, pakairamanan metlaeng ti panangpalawas iti sertipikasyon ken panagsanay para kadagiti mangmangged a Pilipino.
Kagidan dayta, imbinglay ni Minister Krajewski ti panangpateg ti Poland kadagiti Pilipino a mangmangged iti nasao a pagilian ken binigbigna ti napateg a papel dagitoy iti ekonomiya gapu iti kinaanus, kinagaget, ken kinalaingda iti socialization.
Impanamnama met ni Abalos ti agtultuloy a panangpapintas ti gobyerno iti koneksyon ti Pilipinas ken Poland babaen iti koordinasyon ken agtultuloy a pannakipatangda tapno maaddaan iti win-win situation ti dua a pagilian. //bombokaren.c.sapirao
