Inwaragawag ti National Bureau of Investigasion a nagsina a pimmanaw dagiti agina a da Representative Leandro Leviste ken Senator Loren Legarda.
Sigun kenni NBI Director Melvin Matibag, nagturong ni Representative Leviste idiay Hong Kong bayat a nagturong met ni Senator Legarda idiay France idi Agosto 2.
Nupay kasta, kinuna ni Senator Erwin Tulfo iti maysa nga interview kalpasan iti panagsaritada kenni Ombudsman Jesus Crispin Remulla, agdama a nakamedical leave ni Senator Legarda.
“She asked for permission, she filed for leave of absence. It is a medical leave,” sigun kenni Sen.Tulfo.
Kinunana metlaeng a napatgan ti secured travel authority ti senadora.
Pinasingkedan metlaeng daytoy ti immunann nga inwaragawag ti kampo ti senadora a nakamedical leave daytoy.
Ti byahe dagiti aginna ket kasaruno iti panangiwaragawag ti Ombudsman nga imimbestigaran dagitoy ti posible a pakainaigan dagiti nadakamat nga opisyal iti P10-billion plunder and graft a reklamo gapu iti maatap a saan a panangipaay ti renewable energy firm ti kongresista iti solar power kas nailanad iti congressional franchise daytoy.
Malaksid itid dayta, maim-imbestigaran metlaeng ti NBI ni Leviste iti maatap a modus of operandi tapno dadaelen ti reputasyon ni Executive Secretary Ralph Recto.
Maipalagip nga idi Mayo, impakaammo ti Department of Energey (DOE) a nangipilada iti reklamo iti Department of Justice kontra kenni Leviste ken lima nga opisyal ti Solar Para sa Bayan Corporation (SPBC) gapu iti maatap a pananglabsingda iti Public Service Act. //bombokaren.c.sapirao
