Inbabawi ti sigud a suldado ken security aide ni sigud nga Ako Bicol Partylist Representative Zaldy Co a ni Orly Regala Guteza ti immunan a testimonyana a nangitulod daytoy iti male-maleta a naglaon iti kuwarta iti pagtaengan ni sigud nga House Speaker Martin Romualdez.
Iti baro nga affidavit daytoy, kinunana a pinilitda laeng daytoy tapno mangibaga iti nasao a testimonya kasukat iti kuwarta ken scholarship dagiti annakna.
Sigun kenni Guteza, pinaayaban daytoy da Senator Rodante Marcoleta at dating AnaKalusugan Party list Rep. Mike Defensor iti maysa a Japanese Restaurant asideg idiay senado nu sadino nakasaganan it maysa nga affidavit.
Kinuna ni Guteza a ti nasao a maysa a draft ti affidavit ket inaramid laeng ti manugang ni Defensor nga inlingedna iti nagan a “Mark”.
Sigun pay kenni Guteza, nakitana mismo nu kasano a binasa ken tinarimaan ni Senator Marcoleta ti draft ti affidavit.
Maipalagip nga idi Setiembre 25, 2025,nagbalin a surprise witness ni Guteza iti Senate Blue Ribbon Committee hearing nga idadauloan idi ni Senator Marcoleta.
Iti umuna a testimonta daytoy, kinunana a paset daytoy iti security team ni Co a nangitulod kadagiti male-maleta a kuwarta kenni Romualdez.
Nupay kasta, iti baro nga affidavit daytoy, kinunan ni Guteza a sakbay iti panagdengngeg idi, pinalagipan daytoy ni Sen. Marcoleta a saana a baliwan ti addan iti umuna nga affidavit daytoy.
Nupay kasta, sigun kenni Guteza, apaman a nalpas ti hearing, napugsaten ti komunikasyon na kadagiti tao a nagkari kenkuana. Sigun kenkuana, ditoyna a naamiris nga inaramatda laeng daytoy.
Gapu iti daytoy, impeksa ni Guteza a pagbabawianna ti inaramidna ken nagkiddaw daytoy iti pammakawan iti kapamilyana gapu ti inaramidna.
Kabayatanna, ururayen pay laeng ti Ombudsman a maawatda ti opisyal a kopya ti baro nga affidavit ni Guteza sakbay daytoy nga agipaay iti komento.
Iti agdama, maururay pay laeng ti komento ti kampo da Senator Rodante Marcoleta kenni Mike Defensor. //𝓴𝓬𝓼//
