Inwaragawag ni Interior Secretary Jonvic Remulla nga agarup 200 a Bureau of Fire Protection (BFP) personnel ti mannarimaan a maimimbestigaran gapu iti maatap a “slot-for-sale” recruitment scheme.
Kasaruno daytoy ti entrapment operation nga insayangkat ti CIDG Region 3 idiay San Fernando City, Pampanga idi Agosto 24, no sadino naaerestar ti maysa a BFP personnel kalpasan nga immawat daytoy iti P300,000 kasukat iti posisyon iti nasao nga ahensya.
Sigun kenni Remulla, adda dagiti aplikante a nakasagana nga agbayad iti P100,000 agingga P800,000 tapno makaala ti BFP slot.
Kinunana nga agarup P15 bilyon tunggal tawen ti gatad ti maal-ala tunggal tawen gapu iti nasao nga iligal a sistema.
Maysan a senior BFP Officer idiay CALABARZON a karaman iti nasao nga scheme ti naikat iti pwestona ken naipasidung iti restrictive duty bayat iti imbestigasyon.
Inkari met ti Remulla a matarimaan dagiti isyu iti uneg ti nasao nga ahensya iti las-od ti innem a bulan.
