Apektado ti pagtaengan ti tallo a pamilya idiay Puguis, La Trinidad kalpasan iti napasamak a panagreggaay ti daga ken panagtennag ti kayo.
Sigun iti pablaak ti Barangay Puguis, nagturong dagiti pamilya kadagiti kabagyanda tapno temporaryo a makipagtaeng bayat iti pannaka-asses ti nasao a pasdek.
Dagos met a nagreponde ti Puguis Barangay Disaster Risk Reduction and Management Committee (BDRRMC) nga idadauloan ni Punong Barangay Hon. Osburn P. Visaya, iti clearing operation sadiay.
Nagtitinnulong ti rescue team nga ikaten ti nagtennag a sanga ti kayo iti pagtaengan ken dagiti naigabor a daga iti likod ti pagtaengan.
Mabalbalakadan met dagiti residente iti nasao a lugar nga agbalin a naridam ken alerto, kasta metten nga agbakwit dagitoyen a nasapsapa nu kasapulan.
Agtultuloy met a nakamonitor ti Barangay Puguis iti apektado a pasdek ngem mangipaay dagitoy iti kaskenan nga assistance kadagiti pamilya nga apektado.
